Ә.Смайылов: Каспий құбыр консорциумының барлық шектеулер алынып тасталды

Әлихан Смайылов пен  Николай Горбань құбырдың өткізу қабілетін арттыруға баса мән берді. Себебі бұл Қазақстаннан мұнайдың қосымша көлемін тасымалдауды қамтамасыз етуге мүмкіндік береді. Еске сала кетйін, өткен жылы теңіз терминалында айлақ құрылғыларының бұзылуына байланысты құбыр қызметіне бірқатар шектеулер енгізілген болатын. Үкімет басшысы жөндеу жұмыстары сәтті аяқталып, бүгінде барлық шектеулер алынып тасталғанын мәлімдеді. Сонымен қатар Тар жерлерді жою бағдарламасын табысты іске асыру нәтижесінде 2022 жылдың соңында құбыр жүйесінің өткізу қабілеті Қазақстан аумағынан жылына шамамен 72,5 млн тоннаға дейін мұнай тасымалдауға мүмкіндік берді.