Экологиялық мәдениетті қалыптастыру дәрістері

«Таза Қазақстан» экологиялық акциясы аясында мектептер мен жоғары оқу орындарында қосымша экологиялық сабақтар ұйымдастырылып жатыр. Сондай тағылымдық дәрістің бірі Қызылордадағы Исатай Әбдікәрімов атындағы аграрлық-техникалық жоғары колледжінде өтті. Жалпы білім ордасының ұжымы мемлекет басшысының бастамасын қолдап, экологиялық акцияға белсенді атсалысып келеді. Мақсат - жастар арасында экологиялық мәдениетті қалыптастыру, қоршаған ортаны қорғауға үйрету. Дәрісті белді эколог маман өткізіп, озық елдердің тәжірибесін көрсетті.

Анар Ашалимова, оқытушы:

- Оқу жылының басынан бері апта сайын сенбілікке шығамыз. Ауламызды, қоршаған ортамызды тазалаймыз. Студенттеріміз бір қуантарлық жағдай, көшеде жатқан болмаса басқа жерде жатқан қоқысты көрсе көтеріп қоқыс жәшігіне салады.