«Қазақконцерт» әртістері Францияға гастрольдік сапармен барады

Қазақстандық әртістер Францияға гастрольдік сапармен барады. Роза Бағланова атындағы «Қазақконцерт» әртістері мен шығармашылық ұжымы Бельфор қаласында өнер көрсетеді. Мәселен, «TURAN» этно-фольклорлық ансамблі, қазақ өнерінің қазынасы – «Гүлдер» ансамблі мен «Халық қазынасы» Ұлттық өнер орталығының солистері көрермендерге «Дала әуендері» бағдарламасын ұсынады. Сонымен қатар Қазақстанның еңбек сіңірген қайраткері Бибігүл Жанұзақ, «FORTE TRIO» камералық-аспаптық ансамблі мен тағы басқа майталмандар да өз шығармашылығымен көрерменді тәнті етпек. Айта кетсек, әртістердің гастрольдік сапары ауқымды «Focus Kazakhstan» жобасының аясында ұйымдастырылып отыр.

Айзат Қарабек, Қазақстанның еңбек сіңірген қайраткері:

– Өтейін деп жатқан концертіміз, әрине, біздің мәдениет және ақпарат министрлігінің қолдауымен өтеді. 2 концерт өтеді, 19 қаңтар күні біздің ұлттық өнерімізді тамашалайтын боламыз. 2 концерт ол классика жанрында өтеді.