Қазақстандағы туризм саласының дамуы
Қазақстан
Alpitour италиялық ірі
туристік холдингінің каталогына енді. Италияның
жетекші туроператорларының кең тараған желісі басылым беттерінда еліміздің көруге тұрарлық жерлерін
жариялады. Олардың қатарында Көлсай көлдері, Шарын шатқалы, Шымбұлақ пен
Түркістандағы Керуен сарай бар.
Еліміздің тізімге енуі республиканың мәдениет
пен шытырман оқиғалы әуесқойлар үшін туристік бағыт ретінде өсіп келе жатқан
танымалдылығын көрсетеді.
Сонымен қатар бұл – Қазақстанның мәдени және табиғи
әралуандылығын халықаралық деңгейде көрсетудегі маңызды қадам.
Жалпы соңғы жылдары Қазақстанның ішкі туризмі қарқынды дамып келе жатыр. Ұлттық
статистика бюросының мәліметі бойынша, 2023 жылғы қаңтар-қыркүйек аралығында
еліміздегі курортты аймақтарға 3 млн-нан аса адам барған. 2022 жылғы сәйкес кезең
бойынша өсім 12%-тен көп. Бұл туралы
туризм және спорт министрлігі мәлімдеді. Осы орайда өткен жылдың 9 айында саяхатшылар
ең көп барған Қазақстанның көрікті жерлерінің топ бестігі құрылды.
Топ 5 тізімін Алматы тау кластері көшбастап тұр. Өткен
жылы осы кезеңде курортты аймаққа 1
млн 700 мыңнан аса турист келген. Рейтингтің
екінші орны 300
мыңға жуық адам
барған Маңғыстау курорттарына тиесілі. Үшінші орынға 240 мыңнан көп турист қабылдаған
Щучье-Бурабай курортты аймағы жайғасты. Сонымен қатар үздік бестікті Алакөлдің Абай
облысындағы бөлігі мен Балқаш
курорттық аймағы тұйықтап тұр.
Алдағы уақыта еліміздегі өзге де
көрікті жерлерді ілгерілету мақсатында туристік
орындардағы инфрақұрылымды жақсарту бойынша жұмыстар жалғаса бермек.
ТОП-5:
ҚАЗАҚСТАННЫҢ ЕҢ ТАНЫМАЛ КУРОРТТАРЫ
Алматы
тау кластері - 1
млн 728 мың турист
Маңғыстау
курорттары - 299
мың турист
Щучье-Бурабай
курортты аймағы - 243
мың турист
Алакөл - 204 мың турист
Балқаш
курорттық аймағы - 94
мың турист