Жеңілдетілген микрокредит алуға 5 мыңнан астам өтінім түсті
Биыл қазақстандық жастарға кәсіпкерлік бастамаларды
іске асыру үшін 5800 жуық жеңілдетілген микрокредит беру көзделген. Бүгінде аграрлық кредиттік корпорацияға бұған ниеттілерден 5100-ден астам өтінім
түскен. Қазіргі таңда 3200 тарта жоба мақұлданып, 2300 астамына несие берілді.
Бұл жөнінде еңбек және халықты әлеуметтік қорғау министрлігі мәлімдеді. Жылдық сыйақы
мөлшерлемесі 2,5% құрайтын микрокредит 21-ден 35 жасқа дейінгі жастарға өз
кәсібін ашуға немесе оны кеңейтуге 5 жылдан аспайтын мерзімге беріледі. Ал, мал
шаруашылығын дамытамын десеңіз қарыз 7 жылға дейін рәсімделеді. Өтінімдердің
көбі Түркістан, Жамбыл, Алматы, Батыс Қазақстан, Қызылорда және Жетісу өңірлерінен
түскен. Негізінен қызмет көрсету, мал және өсімдік шаруашылығы, сауда мен жеңіл
өнеркәсіп салаларын қамтыған.