Air Astana компаниясының IPO-сын өткізу мәселесі үкіметте талқыланды

Air Astana әуекомпаниясының IPO өткізу мәселесі экономиканы жаңғырту мәселелері жөніндегі мемлекеттік комиссияның отырысында талқыланды. Жиынға Премьер-Министр Әлихан Смайылов төрағалық етті.  Осылайша, компанияның акцияларын тікелей әрі ашық саудаға шығару биыл бастау алады. Бұл жұмыс 2021-2025 жылдарға бекітілген жекешелендірудің кешенді жоспарының аясында жүргізілуде.

Динара Алимова, ҚР Премьер-Министрінің баспасөз хатшысы

- Бүгінде «Самрұқ-Қазына» мен «Air Astana» компаниясы халықаралық кеңесшілермен бірге өткен дайындық жұмыстарын жүргізді. Жиында қаралған өзекті мәселе мен биыл 29 қаңтар мен 8 ақпан жоспарланған өтініштерді қабылдау процессін бастау үшін компанияның бір қарапайым акциясы мен бір ғаламдық депозитарлық қолхатының баға диапазонын анықтау болды.