Көлік вице-министрі пара алды деген күдікпен ұсталды

Еліміздің Көлік вице-министрі пара алды деген күдікпен ұсталды. Бұл туралы Ұлттық қауіпсіздік комитетінің баспасөз қызметі хабарлады. Күдікті сот санкциясымен қамауға алынды. Ұлттық қауіпсіздік комитетінің Сыбайлас жемқорлыққа қарсы қызметі вице-министрді ұстау сәтінен түсірілген кадрларды жариялады. Видеода құқық қорғау органдарының қызметкерлері шенеунікті көшеде тоқтатып жатқаны көрінеді. Кейін тергеушілер оның үйіне тінту жүргізген. Тергеу әрекеттері барысында көп көлемде қолма-қол ақша тәркіленді.