Мемлекет басшысының Ұлттық құрама мүшелерімен кездесуі кейінге шегерілді

Мемлекет басшысы Қасым-Жомарт Тоқаевтың Ұлттық құрама мүшелерімен бүгінге жоспарланған кездесуі кейінге шегерілді. Себебі - атлеттер мен жаттықтырушылардың көбінен коронавирус инфекциясы анықталған. Бұл туралы ҚР Президентінің Кеңесшісі-баспасөз хатшысы хабарлады. Берік Уәли спортшылар мен бапкерлердің тезірек сауығып кетуін тілеп, «Мемлекет басшысы Олимпиада жүлдегерлерін міндетті түрде қабылдайды. Кездесу тамыз айының соңында Ақордада өтеді», - деп жазды. Айта кетейік, кеше ғана Президент Париж Олимпиадасынан жүлделі оралған бір топ спортшы мен жаттықтырушыны мемлекеттік наградамен марапаттау туралы Жарлық шығарды.